تعديلات الدستور المصرى

الأستاذ فـهـمــي هويــــــــدي : "نعم" للتعديلات الدستورية
الدكتور عبـدالله الأشـــــــــعـل : "نعم" للتعديلات الدستورية
الدكتور محمد ســـــــليم العوا : "نعم" للتعديلات الدستورية
الدكتور يحيى الجمـــــــــــــــل : "نعم" للتعديلات الدستورية
الدكتور المعتز بالله عبدالفتــاح : "نعم" للتعديلات الدستورية
وائل نجم : "نعـــــــــــــــــــــــــــــــم " للتعديلات الدستورية

لو حضرتك عايز نلغى الدستور القديم و نعمل دستور جديد.. هتلاقى طلبك عند اللى بيقولوا نعم ..و برضةهتلاقية عند اللى بيقولوا لا..و لو عايز عودة الامن و الاستقرار و عودة دوران عجلة الحياة باسرع وقت هتلاقى طلبك عند اللى بيقولوا نعم..و برضة هتلاقية عند اللى بيقولوا لا..و الاغرب من كدة انك لو عايز الحاجات اللى خلتك تنزل مظاهرات لاول مرة فى حياتك ضد الظلم و الفقر و الفساد و قمع الحريات و بلطجة اجهزة الدولة التنفيذية و حتى التشريعية و القضائية..برضة هتلاقى طلبك عند اللى بيقولوا نعم و اكيد هتلاقية عند اللى بيقولوا لا..المؤلم فى الموضوع ان كل القيادات السياسية و الحزبية و الاجتماعية و ابواقها الاعلامية اللى سايقة الناس فى السكة دى او دى.. و لا يشغلها اى حاجة مما سبق.. دلوقتى اهم ما يشغلها هو نصيبها فى كعكة السلطة اللى هتتفرق فى الانتخابات الجاية.. اللى عايز حضرتك تقول لا حاسس ان انتخابات دلوقتى هيكسبها الاخوان و بقايا الحزب الوطنى برجال اعمالة..وهما يا عينى مالحقوش يعملوا ارضية عند الناس ..ولا كانهم اتعلموا حاجة من الثورة..اما اللى عايز حضرتك تقول نعم مصدقش نفسة لما نسايم الحرية يا دوبك هفهفت وحس بعد قعدتين مع المجلس العسكرى انة فعلا ينفع يكون لية دور فى الحكم علشان كدة عايز يلحق يأصل شرعية حقة فى المشاركة فى الحكم قبل الحلم ما يخلص وقبل ما تظهر قوى جديدة تقاسمة الشعبية فى الشارع .. وبرضة ولا كانهم اتعلموا حاجة من الثورة ..يعنى بالمختصر المزيد! ..الطرفين وبمنتهى البرجماتية المتعاصة ميكيافيللية مقرفة لا يبحثوا عن ما يفيدك بين نعم و لا بقدر ما يبحثوا عن ما يفيدهم هم..ولا يخجلوا من ذكر ذلك صراحة كاحد اهم اسباب موافقتهم او رفضهم للتعديلات ..والغلابة اللى زى حالاتنا بعد ما حلموا بقيادات تقود الوطن لتحقيق مصالح الشعب.. هيصحوا بعد شهر او سنة او عشر سنين على كابوس قيادات جديدة شكلا قديمة موضوعا لا تبحث الا عن مصالحها الضيقة ويولع الوطن بمواطنية بجاز...وكأننا تخلصنا من الحزب الواطى علشان ربنا يرزقنا باحزاب اوطى...فلنا اللة..هو الوحيد القادر ان يكفينا شر جهلنا..هوة مين اللى قال الثورة يصنعها الحالمين ويحركها المقهورين ويستفيد منها الانتهازيين
انا انشاء الله هقول نعم للتعديلات الدستوريه وهتوكل علي الله

تحياتي واحتراماتي

قال المستشار محمد عطية رئيس اللجنة القضائية المشرفة على استفتاء التعديلات الدستورية إنه في حال رفض التعديلات فإن الجيش سيصدر إعلان دستوري جديد في شكل مرسوما يحدد مراحل الانتقال إلى سلطة مدنية في البلاد. وقال إذا تم رفض التعديلات فإننا سنكون أمام فراغ تشريعي سيتم سده من خلال مرسوم يصدره المجلس الأعلى من المنتظر أن يتخذ شكل إعلان دستوري محدود يحدد معالم الفترة الانتقالية التي ستقود إلى سلطة جديدة ودولة مدنية حديثة.

هذا ما قيل نصا ولا ابالغ ولا اناقص

وهذا يعني ان مصر مش هتقوم لها قومه غير بعد .......الله اعلم

تحاتي واحتراماتي