تشاهدونه حصريا على أرض الوطن

تشاهدونه حصريا على أرض الوطن
حاجات كتير بتتميز بيها بلدنا .. منها اللي يزعل ومنها اللي يقهر .. ومنها اللي يشرح القلب .. وتشتاقله لو روحت فين .. زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص وهذا المضاد الحيوي .. وتفتح المحلات والمطاعم لتلبية طلب المصريين في لندن والسعودية وأمريكا وبلاد الفرنجة فرنسا حاليا .. وإليكم بعض هذه المشاهد الحصرية.
* لم يذكر السجن في القران الكريم إلا في مصر (في سورة يوسف ) سبحان الله
* في مصر فقط .. الأموات ينفقون علي الأحياء "الفراعنة والأهرامات والذي منه" صح ولا لاء
* في مصر فقط .. تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط عليك أو بالبلدي يركب ويدلل رجليه لأنه ببساطة دخل بيهم شرطة .. اللي في خدمة قفا الشعب العريض
* في مصر فقط .. ينمو نبات البردي وورد النيل والجرجير والخبيزة والليف وأحيانا ام تسمى ابنها الواد ليفة علشان يعيش
* في مصر فقط .. تأكل الحواوشي والشكشوكة والملوخية بالأرانب والمسقعة والكشري ومحشي الكرنب وطاجن العكاوي والفوول المدمس والفول الحراتى .
* في مصر فقط .. تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها ينجون مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي.
* في مصر فقط .. يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم "اطلع من علي الباب يا فندي العربية فاضية أدام" .. طبعا ربنا ما يوريك بقى لو كانت مليانه.
* في مصر فقط .. تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش.
* في مصر فقط .. تجد منطقة سكنية بكاملها (سارقة كهربا ) مثل عزبة الهجانة ويوجد ايضا فى مصر فقط احياء سارقة وصلة الدش لتشاهد المباريات
* في مصر فقط .. وزير ( يسرطن ) الشعب ثم يرشحه الحزب الحاكم في انتخابات مجلس الشعب .. بس مش أي شعب .. ده شعب على أبوه.
* في مصر فقط .. يتم إنفاق ملايين الجنيهات من أجل الحصول علي "صفر كبير" أمام العالم .. كانوا خايفين ياخدوا درجة بالسالب .. بجد الصفر أرحم.
* في مصر فقط .. يقدم الكشري ساخنا في أكياس بلاستيكية شفافة.
* في مصر فقط .. ادفع وبعدين اشتكي مبدأ سهل
* في مصر فقط .. الاختيارات السياسية المتاحة أمام المواطن هي التصويت بـ "نعم " او "نعم " وبالروح والدم يعنى مفيش شعب اوربى يقدر يقول هذة العبارة المعبرة التى تدل على الوطنية وروح التحدى ومياة النيل اللى جوانا والضرب على قفانا

* في مصر فقط .. تم القضاء نهائيا علي ظاهرة "إدمان الهيروين" بعد أن أصبح "البانجو" في متناول الجميع حتى يستطيع المواطن الفقير ان يعيش وخاصة معدوم الدخل بعد ان ارتفعت اسعار الخمور والحشيش اسعار جنونية بالنسبة لربات البيوت
* في مصر فقط .. رئيس حزب لازال مرتديا الطربوش حتى الآن وفى هذا الزمان حكام عرب يضعوا السيوف والخناجر فى وسطهم وأحيانا كان القذافى الزعيم الملهم يضع فى وسطة وبيلف نفسة برداء غريب اموت واعرف كيف يلبسة الصبح اما العمامة التى يلبسها ما تقولش لعدوينك عليها .
* في مصر فقط .. لا يتم وضع الملصقات إلا تحت لافتة "ممنوع لصق الإعلانات" ولايتم ركن السيارات الا امام لافتة مكتوب عليها ممنوع الانتظار
* في مصر فقط .. لا يمتلك المواطنون زيا رسميا موحدا ويصعب أن تعرف المصري من مجرد ملابسه والفرق المصرية الرياضية الوحيدة فى العالم ليس لها زى معروف مثل جميع فرق العالم
* في مصر فقط .. يوجد نوع من المسكنات علي هيئة مصطلحات يتم تقديمها للشعب بجرعات مكثفة مثل ( الشفافية) ,( التمثيل المشرف) , ( إشادة البنك الدولي بمصر),( أهمية الدور الذي يلعبه شباب النيل .. واهتمت كل وسائل الاعلام بخطاب الرئيس وابرزتة فى الصفحات الاولى وكل القنوات الفضائية اشادت بخطاب السيد الرئيس وتصدر جميع النشرات الاخبارية بل ان معظم دول العالم تقطع برامجها لكى تنقل على الهواء الخطاب بجميع لغات العالم مع العلم بان جميع دول العالم لديها بطالة حتى امريكا اما مصر اقل دول العالم بل ان الجميع يشيد بالتجربة المصرية
أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. ولكننا نقولها وبكل شاعرية ودراماتيكية وحنية:"عظيمة يا مصر يا أرض النعم" وبحبك يامصر ومهما كان انت مصر وكل خطوة بنصر

والآن نترككم مع الفنان الشعبي شعبان عبد الرحيم – اللي مفيش منه برضه غير في مصر – والمطرب المثقف اللى هو فكهانى ويحب الفاكهة ويموت فى العنب لانة مطرب ذواق
وكذلك المطرب العالمى عر عور الذى بيركب الحنطور ويتحنطر لانة لايوجد مطرب فى العالم يستطيع ان يركب الحنطور ويتحنطر فى نفس الوقت

ههههههههههههههه


دى حاجات مش بتحصل غير فى مصر بس

يا أحمد عبدالله
انا بشكرك على المشاركه لكن دى مقال مكانها مش فى القسم ده

احنا بندخل هنا للترفيه مش للنكد
بشكرك على التواجد

انا بحب مصر






مصر ام الدنيا